Tarix fanlari boʻyicha falsafa doktori (PhD) Gʻafurov Uygʻun Toʻlqinovich Imom Buxoriy nomidagi Toshkent islom instituti rektori lavozimiga tayinlandi.
Bungacha u Oʻzbekiston xalqaro islom akademiyasi rektori edi.
Toshkent islom instituti rektori vazifasida ishlagan professor Muhammadsiddiqov Muhammadolim Muhammadroziq oʻgʻli Oʻzbekiston musulmonlari idorasi raisining Yoshlar ishlari boʻyicha oʻrinbosari lavozimidagi faoliyatini davom ettiradi.
Rahimov Ulugʻbek Odashevich Andijon viloyat hokimining qishloq va suv xoʻjaligi masalalari boʻyicha oʻrinbosari — viloyat qishloq xoʻjaligi boshqarmasi boshligʻi vazifasini bajaruvchisi etib tayinlandi.
Jahongir Ibodullayevich Mustafayev “Oʻzkimyosanoat“ AJ boshqaruvi raisining moliya-iqtisodiyot va transformatsiya masalalari boʻyicha birinchi oʻrinbosari etib tayinlandi.
Oʻzbekiston Respublikasi Favqulodda vaziyatlar vazirining tegishli buyrugʻi bilan polkovnik Tishabayev Alisher Yuldashevich FVV Boshlangʻich tayyorgarlik va malaka oshirish markazi boshligʻi lavozimiga tayinlandi.
Hakimjon Dolimov Fargʻona viloyati hokimining qurilish, toʻsiqlarsiz muhit yaratish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari lavozimiga tayinlandi.
