Shu yilning yanvar iyun oylarida Toshkent metropolitenida tashilgan yoʻlovchilar soni 2023-yilning mos davriga nisbatan 50,9 mln nafarga koʻp.
Bu haqda Statistika agentligi maʼlum qildi.
Statistika agentligi maʼlumotlariga koʻra, 2024-yilning yanvar iyun oylarida Toshkent metropolitenida 131,9 mln yoʻlovchi tashilgan.
Bu koʻrsatkich 2023-yilning mos davriga nisbatan 50,9 mln nafarga koʻp.
2024-yilning yanvar iyun oylarida Toshkent metropolitenida bir kunda oʻrtacha 724,5 ming nafar yoʻlovchilar tashilgan boʻlib, 2023-yilning mos davri bilan solishtirilganda ushbu koʻrsatkich 277,1 ming yoʻlovchiga oshgan.
Maʼlumotlarga koʻra, hozirda 4 ta metro bekati “Buyuk ipak yoʻli“, “Amir Temur xiyoboni“, “Paxtakor“ va “Beruniy“ metro bekatlarida hojatxonalar qurilishining 1-bosqichi boshlangan.
Yangi vagonlar kelishi bilan Chilonzor, Oʻzbekiston, Yunusobod va Yer usti halqa yoʻli yoʻnalishiga qoʻyiladi va poyezdlarning oraliq interval yanada kamaytiriladi.
