Toshkent shahrida yoʻl infratuzilmasini yangilash ishlari izchil davom etmoqda. Shu doirada kichik halqa avtomobil yoʻlining (KHAY) “Maxtumquli” koʻchasi bilan kesishmasidagi koʻprik osti qismida taʼmirlash ishlari boshlandi.
Shu sababli, 2025-yil 5-oktyabrdan 1-noyabrgacha ushbu hududda transport vositalari harakati qisman cheklanadi.
Yoʻldagi noqulayliklar vaqtinchaligini taʼkidlash joiz: taʼmirlash ishlari yakunlanganidan soʻng, 1-noyabr kuniga qadar harakat toʻliq tiklanadi.
