Qarorga muvofiq, 2025-yil oxirigacha ekspluatatsiya muddati oʻtgan 452 ta lift yangisiga almashtiriladi.
Yangilanadigan liftlar “Osten” brendiga tegishli boʻlib, ular “Texnopark“da ishlab chiqariladi.
Hozirda Toshkent shahridagi koʻp xonadonli uy-joylarda jami 9101 ta lift mavjud.
Ulardan 2042 tasining (22,4%) foydalanish muddati oʻtgan.
2025-yil oxirigacha 2042 ta eski liftning 452 tasi (22,1%) yangilanadi.
Yangi liftlar ilgʻor xavfsizlik standartlariga ega va energiya tejamkor boʻladi.
Yangilanadigan liftlarni tanlash mezonlari:
— 25-yildan ortiq xizmat qilgan;
— Texnik talablarga javob bermaydigan;
Xavfsizlik darajasi past boʻlgan liftlar ustuvor tartibda almashtiriladi.
