Toshkent viloyati IIBB YHXX xabariga koʻra, “Vaz 2101” va «Niva« rusumli avtomobillar toʻqnashib ketgan.
Mazkur holatda “Vaz 2101” haydovchisi yoʻl harakati qoidalarini buzib, qarama-qarshi yoʻnalishga chiqqan va svetafor ishorasiga boʻysunmay harakatlangan. Oqibatda ushbu yoʻlga qoʻshilish maqsadida ichki koʻchadan chiqib kelayotgan Q.Q boshqaruvidagi «Niva« rusumli avtomobiliga kelib urilgan.
Ushbu yoʻl-transporti hodisasida “Vaz 2101” rusumli avtomobil yoʻlovchisi A.Z. yengil tan jarohati oldi.
Mazkur holat yuzasidan Zangiota tumani IIB YHXB tomonidan surishtiruv ishlari olib borilmoqda.
