Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Oʻtkazilgan tezkor tadbirda noqonuniy dori vositalari savdosi bilan shugʻullanib kelgan S.E. va S.A. fuqaro E.M.ga tegishli hujjatlari boʻlmagan 3 250 quti “Nicozone-S”, 2 240 quti “Gracide-S”, 700 quti “Urolim-L”, 3 000 dona “Benzilpenitsillina” va 600 dona “Ampitsillin Sulbaktam” dori vositalarini 110 mln soʻmga sotgan vaqtida ashyoviy dalillar bilan ushlangan.
Hozirda mazkur holat yuzasidan Jinoyat kodeksining 186-3-moddasi (dori vositalarini yoki tibbiy buyumlarni dorixonalardan va ularning filiallaridan tashqarida realizatsiya qilish) bilan jinoyat ishi qoʻzgʻatilib, tergov harakatlari oʻtkazilmoqda.
