Unga koʻra, Toshkent shahri atmosferasida mayda dispersli zarrachalar miqdori oshgan.
Yaʼni, PM10 – 276,3 mkg/m³ ni tashkil etib, belgilangan meʼyor (300 mkg/m³)dan oshmagan. PM2.5 koʻrsatkichlari esa 189 mkg/m³ boʻlib, ruxsat etilgan meʼyor (60 mkg/m³)dan 3,1 barobar yuqori qayd etildi.
Mutaxassislar maʼlumotiga koʻra, koʻrsatkichlarning oshishiga keskin harorat oʻzgarishi, yaʼni inversiya jarayoni sabab boʻlgan. Inversiya havodagi mayda zarrachalarning toʻplanishi va ularning konsentratsiyasining ortishiga olib keladi.
Oʻzgidromet aholi va poytaxt mehmonlariga ehtiyot choralarini koʻrish boʻyicha tavsiyalari hamon oʻzgarmagan:
- ochiq havodagi faoliyatni cheklash;
- tashqariga chiqqan holda niqob taqish.
