Bu haqda Toshkent shahar IIBB Yoʻl harakati xavfsizligi boshqarmasi xabar berdi.

Shu yilning 19-iyul kuni kech soat 20:30 larda Yunusobod tumani Ahmad Donish koʻchasi 1-uy qarshisida 2004-yilda tugʻilgan (erkak) D.R. Spark rusumli avtomashinasini boshqarib ketayotib, tartibga solinmagan piyodalar oʻtish joyidan yoʻlni kesib oʻtayotgan piyoda 1960-yilda tugʻilgan (ayol) G.Sh.ni urib yubordi.

Hodisa oqibatida piyoda olgan tan jarohatlari natijasida shifoxonada vafot etgan.

Hozirda holat yuzasidan Toshkent shahar IIBB Tergov boshqarmasi tomonidan Oʻzbekiston Respublikasi Jinoyat kodeksining 266-moddasi 2-qismi bilan jinoyat ishi qoʻzgʻatilib, tergov harakatlari davom etmoqda.