Tadbirning shijoatkor muhiti iqtisodiyotni rivojlantirish, savdo va investitsiyalarni jalb etishni faollashtirish maqsadida masʼul vazirlik va idoralar rahbarlarini, biznes va xalqaro moliya tashkilotlarining vakillarini muloqot qilishga chorlab turdi.
Maʼlumki, 2021-yildan boshlab 20-avgust mamlakatda “Tadbirkorlar kuni” sifatida nishonlanib kelinadi. Biznes bilan uchrashuvlar anʼanaviy tarzda oʻtkazilyapti. Har yili ochiq muloqot shaklida eng dolzarb muammolar muhokama etiladi, tadbirkorlik sohasidagi islohotlarning yangi yoʻnalishlari va noanʼanaviy gʻoyalari ilgari suriladi.
Oʻzbekiston Respublikasi investitsiyalar va tashqi savdo vazirining birinchi oʻrinbosari Aziz Voitov oʻz nutqida ishtirokchilarning eʼtiborini mamlakatning investitsiyaviy jozibadorligini oshirish boʻyicha olib borilgan ishlar natijalariga qaratdi.
Soz pul-kredit siyosatini yanada takomillashtirish, soliq yukini kamaytirish, soliq tizimini soddalashtirish va soliq maʼmurchiligini takomillashtirish, bank-moliya tizimini transformatsiyalash, investorlar uchun qoʻshimcha imtiyoz va preferensiyalar, shuningdek, Yangi Oʻzbekistonning rivojlanish strategiyasida belgilangan ustuvor vazifalar majmuini amalga oshirish haqida boryapti.
Panel munozarasi davomida vazirlik va idoralar rahbarlari biznesni boshlashda startaplar va innovatsion gʻoyalarni roʻyobga chiqarishda amaliy yordam koʻrsatish, subsidiyalar berish orqali tadbirkorlarni davlat tomonidan qoʻllab-quvvatlash, investitsiyaviy muhitni yaxshilash boʻyicha choralar koʻrish va boshqa shu kabi yoʻnalishlarda olib borilayotgan ishlar haqida soʻzlab berishdi.
Oʻz navbatida, biznes vakillari xorijiy investitsiyalarni jalb etish, yuqori texnologiyalarni joriy etish, elektron savdo maydonchalarini va umuman IT-tarmogʻini rivojlantirish uchun mamlakatda yaratilgan imkoniyatlar haqida fikr almashdi.
Shuningdek, shu kuni xususiylashtirish, xususiy mulk daxlsizligini himoya qilish, qishloq xoʻjaligini rivojlantirish, soliq tizimini yanada isloh qilish, Oʻzbekistonning xalqaro tuzilmalarga integratsiyalashuvi va boshqa masalalar muhokamasiga bagʻishlangan panel munozaralari oʻtkazildi.
Bundan tashqari, muloqotning birinchi kunida maʼruzachilar davlat xaridlari sohasidagi tendensiyalar, mamlakat qimmatli qogʻozlar bozorining rivojlanishi, tadbirkorlik sohasida raqamlashtirish jarayoni surʼatlarini muhokama qilish imkoniyatiga ega boʻldilar.
Muloqot vazirlik va idoralar rahbarlari, ekspertlar va ishbilarmon doiralar vakillarini bugungi kunda tadbirkorlarni qiziqtirgan eng dolzarb masalalar atrofida birlashtirdi, deb xabar beradi Investitsiyalar va tashqi savdo vazirligi matbuot xizmati.
Shunday qilib, panel munozaralari tadbirkorlarning muammolari va ularni hal qilish yoʻllarini muhokama qilish uchun muhim platformaga aylandi. Bundan tashqari, “Tadbirkorlar bilan muloqot haftaligi”ning birinchi kunida ishbilarmonlarning fikrlari, takliflari va tashabbuslari koʻrib chiqish uchun qabul qilindi. Tahlil natijasida Oʻzbekistonda ishbilarmonlik muhitini yaxshilashning yangi samarali mexanizmlari ishlab chiqiladi.
