Toshkent viloyati Favqulodda vaziyatlar boshqarmasining xabar berishicha, shu yilning 11-mart kuni soat 18:40da Toshkent-Vodiy A-373 avtomobil yoʻlining 91 kilometrida harakatlanib ketayotgan yuk tashuvchi transport vositasida yongʻin kelib chiqqan.

Maʼlumotlarga koʻra, yongʻin oʻchirish ekipaji yongʻin joyiga soat 18:50da etib borgan va yongʻin soat 19:07da batamom oʻchirilgan.

Hozirda yongʻinning kelib chiqish sababi va zarari aniqlanmoqda.