15-mart kuni soat 13:18 da Toshkent shahar Shayxontohur tumani, Botir Zokirov ko‘chasida joylashgan "Park in Mall" oilaviy ko‘ngilochar savdo markazi 3-qavatida yong‘in sodir bo‘layotgani to‘g‘risida, Toshkent shahar FVBBga xabar tushgan.
Shunga ko‘ra, qutqaruv texnikalari aytilgan manzilga soat 13:19 da yetib borib, yong‘in soat 13:28 da o‘chirildi.
Yong‘in oqibatida jarohatlanganlar yo‘q.
Aytilgan manzilda "Park in Mall" oilaviy ko‘ngilochar savdo majmuasining 3-qavati 25 kv.m maydoni yonib zararlangani aniqlandi.
Hozirda yong‘in sababi va keltirilgan moddiy zarar miqdori aniqlanmoqda.
