Yigʻilish kun tartibida Toshkent shahridagi Puchon universiteti filiali faoliyatini takomillashtirish masalalari koʻrib chiqildi. Shu nuqtayi nazardan Oʻzbekiston tomoni mazkur universitet negizida yangi fakultetlarni, jumladan, bolalar ovqatini tashkil etish fakultetini ochish orqali filial faoliyatini kengaytirish zarurligi toʻgʻrisida tashabbus bilan chiqdi.
Koreya tomoni ushbu takliflarni qoʻllab-quvvatladi va tashabbuslarni amalga oshirish boʻyicha chora-tadbirlar ishlab chiqishga tayyorligini bildirdi. Oʻz navbatida, mehmonlar Maktabgacha taʼlim agentligi rahbariyatini Koreyaning Puchon universiteti tomonidan qoʻllanilayotgan onlayn taʼlim uchun raqamli platforma bilan tanishtirdi, deb xabar beradi Maktabgacha taʼlim agentligi matbuot xizmati.
Tomonlar uchrashuv kun tartibi yuzasidan fikr almashib, muzokaralarni konstruktiv ruhda yakunladilar.
