«Vaktsinalarni ishlab chiqish bo'yicha katta yutuqlarga erishildi. Biz transport va logistika sohasida harakat qilamiz. 2 milliondan ortiq vaktsina, agar tekshiruvdan samarali o'tsa, jo'natishga tayyor», - dedi Tramp. Uning aytishicha, Qo'shma SHtatlardagi sakkiztagacha kompaniya COVID-19 uchun emlashlar va dorilarni ishlab chiqmoqdalar.
Prezident infektsiyani davolash usulini ishlab chiqish bilan bog'liq «juda ijobiy kutilmagan hodisalar»ni ta'kidladi. Avvalroq, “The New York Times” Amerika ma'murlari yangi koronavirus uchun vaktsina ishlab chiqaradigan beshta kompaniyani tanlaganliklari haqida xabar berishgan. Ular orasida “Moderna” va “Angra-Shved” farmatsevtika kompaniyalari bor.
Hukumatning rejasiga ko'ra, har bir vaktsina sinovlarida 30 ming kishi qatnashadi va barcha yosh guruhlari qamrab olinadi. SHuningdek, sinovlar AQSHdan tashqarida, pandemiyadan aziyat chekadigan boshqa mintaqalarda ham o'tkazilishi mumkin.
May oyi boshida Amerika etakchisi AQSHda mutaxassislar shu yil oxiriga qadar koronavirusga qarshi vaktsina yaratishi mumkinligini ma'lum qilgandi.
