“Agar ular tinchliksevar bo'lib, bizga boshqa zarar yetkazmasliklarini ko'rsata olsalar, men sanksiyalarni bekor qilaman”, dedi u. Prezidentning so'zlariga ko'ra, Eronga nisbatan sanksiyalarni bekor qilish “juda muhim bo'lardi”.
Shanba kuni NBC News telekanali AQSh Prezidentining maxsus elchisi Stiven Uitkoff yaqin kunlarda eron hukumati bilan Tehronning yadroviy dasturi bo'yicha ehtimoliy kelishuv bo'yicha muzokaralar o'tkazishi haqida xabar berdi. Telekanal ma'lumotlariga ko'ra, muzokaralar mavzusi sanksiyalarni yumshatish evaziga eron Islom Respublikasida uranni boyitishni to'xtatish bo'ladi.
Isroil 13-iyunga o'tar kechasi Eronga qarshi harbiy operatsiya boshladi, oradan bir kun o'tmay Eron Islom Respublikasi qarshi hujumga o'tdi. AQSh to'qqiz kun o'tib mojaroga qo'shildi: 22-iyunga o'tar kechasi Amerika kuchlari Eronning uchta yadroviy obyektiga hujum qildi. 23-iyun kuni kechqurun Tehron Amerikaning Yaqin Sharqdagi eng yirik aviabazasi – Qatardagi Al-Udeyd aviabazasiga raketa zarbasi berdi. Keyinroq Tramp Isroil va Eron o't ochishni to'liq to'xtatishga kelishib olganini e'lon qildi. O't ochishni to'xtatish kelishuvi 24-iyundan kuchga kirdi, deb xabar beradi tass.ru.
