Yil boshidan Boʻzatov, Beruniy, Qoraoʻzak, Kegeyli, Moʻynoq, Taxiatosh, Taxtakoʻpir, Xoʻjayli va Shumanayda investitsiya 5 million dollarga ham yetmagani qayd etildi.
Shular bilan birga, Qoraqalpogʻiston aholisini rozi qilish, hayotini yaxshilash, inson qadrini ulugʻlash boʻyicha hudud rahbariyatida tashabbuskorlik yetishmayotgani, tuman hokimlari esa bunga masʼuliyatsizlik bilan yondashayotgani koʻrsatib oʻtildi, amalga oshirilayotgan ishlar yetarli emas, deb topildi.
Investitsiya hisobiga tashkil qilingan baʼzi korxonalar ishlamayotgani, hududda eksport 100 million dollardan kam boʻlgani tanqid qilindi.
Nukus shahrida 1 million dollar, qolgan tumanlarda 300 ming dollar investitsiya kiritish sharti bilan Qoraqalpogʻiston Vazirlar Kengashi qarori asosida yer uchastkalari toʻgʻridan-toʻgʻri berilyapti.
Bolalar ombudsmani Jizzaxning Paxtakor tumanidagi nodavlat maktabgacha taʼlim tashkilotida bolalar ommaviy zaharlanganini, holat viloyati prokuraturasi tomonidan oʻrganilayotganini maʼlum qildi.
