Xabar berganimizdek, bugun boʻlib oʻtgan bellashuvlarda Nikita Rafalovich -80 kg vazn toifasida oltin medalni qoʻlga kiritgan edi. Ushbu vaznda bahs olib borgan Shuhrat Salayev, shuningdek, Shohsanam Aʼzamova (-46 kg) hamda Madinabonu Mannopova (-49 kg) bronza medali bilan taqdirlanishdi.
Eʼtiborli jihati, joriy musobaqada finalgacha borgan 3 nafar taekvondochimiz hal qiluvchi janglarni ham muvaffaqiyatli yakunlashdi. Shu tariqa jamoamiz oʻzi ishtirok etgan yilning ilk musobaqasida 3 ta oltin va 5 ta bronza, jami 8 ta medalga sazovor boʻldi.
“Turkish Open” gʻolib va sovrindorlari:
Oltin – Ulugʻbek Rashitov
Oltin – Nigora Tursunqulova
Oltin – Nikita Rafalovich
Bronza – Charos Qayumova
Bronza – Shohruh Rajabov
Bronza – Madinabonu Mannopova
Bronza – Shohsanam Aʼzamova
Bronza – Shuhrat Salayev
Terma jamoamiz ertaga 19:00 da Toshkentga qaytib keladi.
