Tuz ko'li Turkiyada ikkinchi o'rinda turadigan va dunyodagi eng katta sho'r ko'llardan biri sanaladi. U ko'chib yuruvchi hayvonlarning sevimli yashash joylaridan biri bo'lib, qadimdan flamingolar uyi bo'lgan. Garchi ko'l sayoz va yil davomida unda yog'ingarchilik juda kam miqdorda bo'lsa-da, ko'lning sho'rligi ko'chib yuruvchi qushlarning uyalashiga yordam beradi. Biroq, ob-havoning o'zgarishi natijasida kelib chiqqan qurg'oqchilik ko'lda suv sathining pasayishiga olib keldi va flamingolar uchun oziq-ovqat topish qiyinlashdi.

Ayni paytda Ko'nyoning Jihanbeyli hududida joylashgan ko'lning ba'zi joylarida qushlarning jasadlari sochilib yotibdi. Qushlar mart oyida ko'lga uchib kelishgan. Yozda ushbu hududga tez-tez kelib turadigan tabiatshunos fotograf Mehmet emin O'zturkning aytishicha, Tuz ko'li “flamingolar uchun jannat bo'lgan, ammo hozir u dahshatli tushga aylandi”.

Ta'kidlanishicha, Tuz ko'lida har yili naslchilik davrida 5000 dan 10 000 gacha flamingolar tug'iladi. Hozirga qadar atigi 5 mingta qush dunyoga kelgan.