U-23 Osiyo kubogi guruh bosqichiga qurʼa tashlandi

    2026-yilning yanvar oyida Saudiya Arabistoni mezbonlik qiladigan U-23 Osiyo kubogi musobaqasiga qurʼa tashlash marosimi boʻlib oʻtdi.

    Qurʼa natijalariga koʻra, “A” guruhidan Saudiya Arabistoni (musobaqa mezboni), Vyetnam, Iordaniya, Qirgʻiz Respublikasi joy oldi. Yaponiya, Qatar, BAA va Suriya esa “B” guruhida oʻzaro bellashadi.

    Oʻzbekiston U-23 jamoasi C guruhidan joy oldi. Shuningdek, ushbu kvartetda Janubiy Koreya, Eron va Livan jamoalari nomi qayd etilgan.

    “D” guruhida Iroq, Avstraliya, Tailand va Xitoyning U-23 jamoalari kurashadi.

    Oʻzbekiston U-23 terma jamoasi Osiyo kubogidagi ishtirokini Livanga qarshi uchrashuv bilan boshlaydi. Musobaqa 2026-yilning 7-25-yanvar kunlari Saudiya Arabistonida boʻlib oʻtadi.