Uchrashuvda Ummon Sultonligining Oʻzbekiston Respublikasidagi Favqulodda va Muxtor elchisi Abdul Rahim va Burayim hududi Savdo-sanoat palatasi raisi ham ishtirok etdi.

Uchrashuv davomida ikki davlat oʻrtasidagi savdo-iqtisodiy hamkorlik masalalari, xususan, eksport-import operatsiyalari uchun bojxona toʻlovlari muhokama etildi.

Janob Rashid Amer Al-Muslxi Oʻzbekiston va Ummonga oʻzaro biznes missiyasini tashkil etishni taklif qildi, unda ikki mamlakat tadbirkorlari mahalliy bozor va investitsiya salohiyati bilan yaqindan tanishish uchun qulay imkoniyatga ega boʻladi.

Oʻzbekiston Savdo-sanoat palatasi ushbu taklifni qabul qildi va ishbilarmon doiralarning ham Oʻzbekistonga, ham Ummonga tashrifini tashkil etish gʻoyasini toʻliq qoʻllab-quvvatlashini taʼkidladi. Shuningdek, tashkilotlarimiz oʻrtasidagi aloqalarni yanada mustahkamlash maqsadida yaqin vaqt ichida oʻzaro anglashuv memorandumini imzolashga kelishib olindi.

Xorijiy tomon hujjatlarni imzolash uchun sentyabr oyida Ummonda biznes forumni oʻtkazishni taklif qildi. Uchrashuv yakunida hamkorlik tafsilotlarini muhokama qilish uchun videokonferensaloqa orqali qoʻshimcha uchrashuvlar oʻtkazishga kelishib olindi, deb xabar beradi Savdo-sanoat palatasi matbuot xizmati.