"Uzbekistan Airways" 60 yoshdan oshgan erkaklar va 55 yoshdan yuqori ayollar uchun turizm oyligi munosabati bilan 25 foizli chegirma eʼlon qildi.
Jumladan, shu yilning 1-noyabridan boshlab 30-noyabriga qadar davom etadigan mazkur 25 foizli chegirma barcha ichki aviaqatnovlarning ekonom-klassi uchun (K-klass va undan yuqori) aviachiptalarining amal qiladi.
Chegirmali aviachiptalarni "Uzbekistan Airways" Sales filiali yoki Oʻzbekistonda joylashgan aviakompaniya agentlaridan xarid qilishingiz mumkin. Aviachipta sotib olayotganda yoningizda pasport yoki ID karta boʻlishi kerak.
Oʻzbekiston Prezidentining “Qashqadaryo viloyatining togʻli-rekreatsion hududlarida zamonaviy xizmat koʻrsatish va turizm obyektlarini barpo etish chora-tadbirlari toʻgʻrisida” qaror qabul qilindi.
Yil yakuniga qadar Sariosiyo aeroportida fuqaro aviatsiyasi faoliyatini tiklash, kelgusi yildan Sariosiyodan Samarqand va Toshkentga muntazam reyslarni yoʻlga qoʻyish, Termizdan Istanbul, Fargʻona, Buxoro va Xorazmga reyslarni koʻpaytirish topshirildi.
