Muhokamaning asosiy mavzulari hamkorlik istiqbollari, xususan, barqaror rivojlanish institutini tashkil etish imkoniyatlari boʻldi. Institut kommunal va energetika sohasi uchun muhandis hamda texniklarni tayyorlash bilan shugʻullanadi.
Shuningdek, “Veolia” kompaniyasi Oʻzbekistonda DXSH sohasida qoʻshma loyihalar uchun mintaqaviy platforma yaratish niyatida ekanini maʼlum qildi. Platformaning asosiy yoʻnalishlari issiqlik taʼminoti, suv taʼminoti, kanalizatsiya va sugʻorish nasos stansiyalarini modernizatsiya qilish sohasidagi loyihalarni moliyalashtirish boʻladi.
Bundan tashqari, uchrashuvda Oʻzbekistonda “Veolia” kompaniyasi ishtirok etayotgan joriy qoʻshma loyihalar ham muhokama etildi, deb xabar beradi Toshkent shahar hokimligi matbuot xizmati Iqtisodiyot va moliya vazirligi maʼlumotiga tayanib.
