Boboyev Faxriddin Atoyevich Veterinariya va chorvachilikni rivojlantirish qoʻmitasi raisining oʻrinbosari lavozimiga tayinlandi.
Qayd etilishicha, Boboyev Faxriddin Atoyevich Vazirlar Mahkamasining tegishli qaroriga muvofiq, Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi raisining oʻrinbosari lavozimiga tayinlangan.
Faxriddin Boboyev Vazirlar Mahkamasi mutaxassisi, “Oʻzcharmsanoat” uyushmasi raisi va boshqa bir qator masʼul vazifalarda ishlagan.
Fozilov Botirjon Olimjon oʻgʻli — Oʻzbekiston Respublikasi Madaniyat vazirligi huzuridagi Oʻzbek milliy maqom sanʼati markazi matbuot xizmati rahbari — Bosh direktorning axborot siyosati masalalari boʻyicha maslahatchisi lavozimiga tayinlandi.
Baxriddinov Zuxriddin Baxriddin oʻgʻli Namangan viloyati hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari – viloyat iqtisodiyot va moliya bosh boshqarmasi boshligʻi etib tayinlandi.
Djoʻrayev Shuhrat Xoʻjamberdiyevich viloyat hokimining qurilish, toʻsiqlarsiz muhit yaratish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari vazifasini bajaruvchisi etib tayinlandi.
