Muzokaralar davomida ikki tomonlama hamkorlikning bugungi holati va rivojlanish istiqbollari koʻrib chiqildi. Savdo-iqtisodiy, investitsiya va madaniy-gumanitar sohalardagi aloqalarni kengaytirish boʻyicha fikr almashildi.
Tomonlarning BMT, SHHT va boshqa xalqaro institutlar doirasidagi muloqotni davom ettirish tayyorligi qayd etildi.
Shri-Lanka Tashqi ishlar vaziri Oʻzbekiston tomonidan Markaziy va Janubiy Osiyo oʻrtasidagi siyosiy-diplomatik va savdo-iqtisodiy aloqalarni mustahkamlash borasida amalga oshirilayotgan saʼy-harakatlarni qoʻllab-quvvatlashini bildirdi.
Savdo, investitsiyalar, sayyohlarni jalb etish, qishloq xoʻjaligi sohasidagi hamkorlikni rivojlantirish boʻyicha ikki mamlakat oʻrtasida shartnoma-huquqiy bazani kengaytirish boʻyicha kelishuvga erishildi, deb xabar beradi Tashqi ishlar vazirligi matbuot xizmati.
