U e'lon qilingan kundan boshlab – 19-noyabrdan kuchga kiradi.
Shu bilan birga, Rossiyaning yadroviy cheklash sohasidagi siyosati to'g'risidagi avvalgi farmon o'z kuchini yo'qotgan deb tan olinadi.
Doktrinada aytilishicha, davlatning eng oliy ustuvor vazifasi potensial dushmanni Rossiya va uning ittifoqchilariga qarshi tajovuzdan qaytarishdir.
Shuningdek, Rossiya yadro qurolini “to'xtatuvchi vosita” sifatida ko'rishi, undan foydalanish ekstremal va majburiy chora ekanligi ta'kidlangan. Rossiya “yadroviy tahdidni kamaytirish uchun barcha zarur sa'y-harakatlarni amalga oshirmoqda”, shuningdek, “harbiy, shu jumladan yadroviy mojarolarni” qo'zg'atishi mumkin bo'lgan davlatlar o'rtasidagi munosabatlarning keskinlashuviga yo'l qo'ymaslikka harakat qilishi kerak.
Rossiya “potensial dushmanga qarshi” yadroviy to'xtatib turishni qo'llaydi. Doktrinada bu “Rossiya Federatsiyasini potensial dushman deb hisoblaydigan alohida davlatlar va harbiy koalitsiyalar (bloklar, ittifoqlar)” deb tushuniladi, ular yadro quroliga yoki “umumiy maqsadli kuchlarning muhim jangovar salohiyatiga” ega.
Blok yoki koalitsiya a'zosi bo'lgan bunday davlatning Rossiya yoki uning ittifoqchilariga tajovuzkorligi “ushbu koalitsiyaning (blok, butun ittifoq) tajovuzkorligi deb hisoblanadi”.
Doktrinada, shuningdek, yadroviy to'xtatib turish “potensial dushmanning Rossiya Federatsiyasiga va (yoki) uning ittifoqchilariga tajovuz qilingan taqdirda javob qaytarish muqarrarligini tushunishini” ta'minlashi kerakligi ta'kidlangan, deb xabar beradi rbc.ru.
