Birlashgan Millatlar Tashkiloti Bosh Assambleyasi qaroriga ko‘ra, 30 mart butun dunyo bo‘ylab “Xalqaro chiqindilarsiz kun” deb e’lon qilindi.
“Zero Waste” loyihasi orqali Turkiya butun dunyoni qiziqtirgan barcha ekologik va tabiatni muhofaza qilish loyihalarida yetakchi sifatida ajralib turadi. Loyiha isrofgarchilikning oldini olishga, resurslardan samaraliroq foydalanishga, sabablarini ko‘rib chiqish orqali chiqindilar paydo bo‘lishining oldini olishga yoki minimallashtirishga, hamda, chiqindilarni alohida yig‘ish va qayta tiklashga qaratilgan.
Turk oshxonasining ko'p asrlik barqarorlik tamoyillari dunyoni ilhomlantirmoqda
Chiqindisiz falsafa hayotning barcha jabhalarida chiqindilarni yo'q qilishga qaratilgan boʻlib, u turk oshxonasining ajralmas qismiga aylanib ulgurgan.
Turk oshxonasi isrofgarchiliksiz va barqaror pazandachilik amaliyoti falsafasini saqlagan holda oziq-ovqat chiqindilariga asoslanadi. U o'simlik va hayvonot materiallarining barcha elementlaridan foydalanish uchun yechimlarni taklif qiladi. Tabiiy va organik materiallardan tayyorlangan taomlar, vegan va vegetarian taomlari uzoq vaqtdan beri turk dasturxonlarida asosiy o'rinni egallagan. Turk oshxonasi xilma-xil turdagi deyarli har bir taomida mahsulotlarni isrof qilmasdan ishlatishga chaqiradi. Masalan, eskirgan nondan ko'plab taomlar tayyorlanadi. Qolgan palov, sho‘rva yoki guruch pirogiga aylanadi. Do'lma tayyorlash uchun qovoq yoki baqlajonning ichki qismi olib tashlanadi, lekin hech qachon poʻsti tashlanmaydi, uni boshqa lazzatga aylantiriladi.
Turkiyada barqaror turizm
Turkiya, shuningdek, Milliy barqaror turizm dasturini shakllantirish uchun dunyoning eng yuqori ekologik va barqarorlik platformasi bo'lgan Global Barqaror Turizm Kengashi (GSTC) bilan hamkorlik shartnomasini imzolab, dunyoga o'rnak ko'rsatdi.
Kelishuv doirasida kelgusi uch yil ichida turizm sanoatini qayta qurishni maqsad qilgan Turkiya, hukumat bilan barqaror turizm bo'yicha milliy dastur ishlab chiqqan va bunday masʻuliyatli ishga “yeng shimargan” dunyodagi birinchi davlatdir. O‘tgan yili boshlangan dastur mahalliy aholi uchun ijtimoiy va iqtisodiy manfaatlarni maksimal darajada oshirish, madaniy merosni ko‘paytirish, atrof-muhitning ifloslanishini oldini olish va resurslarni tejash bilan birga bioxilma-xillik, ekotizimlar va tabiiy go‘zallikni muhofaza qilish vazifalarini maqsad qilib olgan.
