Qarorga koʻra, 2010-yil 10-dekabrdagi Mustaqil Davlatlar Hamdoʻstligiga aʼzo davlatlarning Shaxslarni davlatlararo qidirish toʻgʻrisidagi shartnomasiga oʻzgartirishlar kiritish haqidagi bayonnoma tasdiqlandi.
Bayonnoma 2024-yil 18-oktyabrda Moskva shahrida imzolangan.
Ichki ishlar vazirligi, Davlat xavfsizlik xizmati va Bosh prokuratura ushbu xalqaro shartnomani amalga oshirish uchun masʼul boʻlgan vakolatli organlar etib belgilandi.
Vazirlar Mahkamasi hamda tegishli vazirlik va idoralarning rahbarlari mazkur xalqaro shartnoma kuchga kirgandan keyin uning qoidalari bajarilishi ustidan belgilangan tartibda nazoratni taʼminlaydi.
Qoraqalpogʻiston Respublikasi Vazirlar Kengashi huzurida davlat muassasasi shaklida Yoshlar ijtimoiy-iqtisodiy markazi direksiyasi, shuningdek, Xoʻjayli tumanida Yoshlar ijtimoiy-iqtisodiy markazi tashkil etiladi.
Kam uchraydigan va irsiy-genetik kasalliklarga chalingan bolalarni qoʻllab-quvvatlashning yangi tizimi joriy etiladi. Prezident qaroriga muvofiq, ular uchun tibbiy va ijtimoiy yordamni kengaytirish boʻyicha 2026–2030-yillarga moʻljallangan dastur tasdiqlandi.
Prezident qarori (328-son, 03.11.2025-y.) bilan “Oliy taʼlim tashkilotlari bitiruvchilarining ishga joylashishiga koʻmaklashish boʻyicha qoʻshimcha chora-tadbirlar toʻgʻrisida”gi PQ–61 son qarorga oʻzgartirish va qoʻshimchalar kiritildi.
