“Biz ushbu loyihani boshlaganimizda, buni ertak deb hisoblab, ishonmaganlar bo'ldi. Biroq bugun barchangiz bu amalga oshiriladigan loyiha ekanligiga guvoh bo'lyapsiz. 27-dekabr kuni mazkur yo'l qurilishi bo'yicha rasmiy ishlar boshlanadi. Bu Sharq va G'arbni bog'laydigan strategik ko'prikka aylanadi”, dedi prezident.
May oyida Sadir Japarov uch davlat o'rtasida temir yo'l qurilishi 2024-yil oktabr oyida boshlanishi haqida xabar bergan edi. Loyihani amalga oshirish uchun davlatlar 51 foizi Xitoy, 24,5 foizdan Qirg'iziston va O'zbekiston ulushidan iborat bo'ladigan qo'shma kompaniya tuzishga kelishib olishdi.
2024-yil iyun oyida uch davlat vakillari temir yo'l qurilishi bo'yicha kelishuvni rasman imzolagan va moliyalashtirish shartlarini belgilagan edi. Loyihaning umumiy qiymati 4 milliard 665 million dollarga baholanmoqda, deb xabar beradi vesti.kg.
