Oʻzbekiston Prezidentining 18-19-may kunlari XXR buyurgan davlat tashrifi doirasida bir qator hujjatlar, jumladan, Oʻzbekiston Qishloq xoʻjaligi vazirligi bilan Xitoy Bojxona bosh maʼmuriyati oʻrtasida “Oʻzbekistondan Xitoyga uzum eksport qilishda fitosanitar talablar va nazorat toʻgʻrisidagi bayonnoma” hamda “Oʻzbekistondan Xitoyga Parranda goʻshtini yetkazib berishda karantin va veterinariya-sanitariya talablari toʻgʻrisidagi bayonnoma” imzolandi.

Xitoy mamlakatga import qilinadigan tovarlar ustidan qattiq nazoratni amalga oshiradi, import qiluvchilar/ishlab chiqaruvchilarga mahsulotlarni tekshirish uchun nazorat ostida karantin ruxsatini beradi. Bayonnomalarda sanitariya, veterinariya va fitosanitariya talablari aniq belgilangan.

Xususan, Oʻzbekistondan ushbu mamlakatga eksport qilinayotgan uzum va muzlatilgan tovuq oyoqlari XXR import qilinadigan fitosanitariya va veterinariya talablariga, shuningdek, Xitoyning oziq-ovqat xavfsizligi va gigiyena standartlariga javob berishi kerak.

Mahsulotlarni eksport qilishga faqat Xitoy fitosanitariya xizmati reyestriga kiritilgan korxonalarga ruxsat etiladi. Bu esa Qishloq xoʻjaligi vazirligi huzuridagi Oʻsimliklarni himoya qilish agentligi hamda Veterinariya va chorvachilikni rivojlantirish qoʻmitasiga tegishli.

Imzolangan bayonnomalar bilan tadbirkorlar uchun Xitoyga eksport hajmini oshirish, ishlab chiqaruvchi va fermerlar daromadini koʻpaytirish uchun yangi imkoniyatlar ochilmoqda. Qayd etilishicha, oʻzbek eksportyorlari oʻz mahsulotlarini Xitoy bozoriga yetkazib berishdan maksimal darajada foyda olish uchun barcha imkoniyatlarni ishga solishlari kerak.