Aytish joizki, Xitoy hukumati maxsus vakilining tashrifi Oʻzbekiston va XXR oʻrtasida diplomatik munosabatlar oʻrnatilganining 30 yilligiga (1992-yil 2-yanvar) toʻgʻri keldi.
Ikki tomonlama shaklda ham, “Xitoy – Markaziy Osiyo” muloqoti doirasidagi aloqalarni yanada faollashtirish istiqbollari muhokama qilindi. Oʻzbekiston va Xitoyning mintaqaviy siyosat yoʻnalishining dolzarb masalalari boʻyicha pozitsiyalari yaqinligi alohida taʼkidlandi.
Shu vaqtgacha erishilgan kelishuvlarni amalga oshirishning borishi va turli darajadagi boʻlajak uchrashuvlar jadvali koʻrib chiqildi.
Tomonlar “Oʻzbekiston va Xitoy oʻrtasida diplomatik munosabatlar oʻrnatilganining 30 yilligini nishonlash dasturi” doirasida hamkorlik qilishga tayyor ekanliklarini bildirdilar, deb xabar beradi Tashqi ishlar vazirligi matbuot xizmati.