Tadqiqot natijalari Nature Communications jurnalida chop etildi va bu haqda Daily Mail xabar berdi.

Tadqiqotchilarning fikricha, bu patogen Yaqin Sharq respirator sindromini keltirib chiqaradigan halokatli MERS-CoV (Middle East respiratory syndrome coronavirus) virusi bilan bir oilaga tegishli. Bu ikki o'rkachli tuyalaridan odamlarga yuqadigan zoonoz patogen bo'lib, og'ir respirator kasalliklarni keltirib chiqaradi, ular kasallanganlarning uchdan bir qismining o'limiga sabab bo'lishi mumkin.

HKU5 birinchi marta 2020-yilgi pandemiyaga sabab bo'lgan, SARS-CoV-2 sizib chiqqan Xitoy laboratoriyasi tadqiqotchilari tomonidan ko'rshapalaklarda topilgan. Vashington shtati universitetining virusologiya professori va tadqiqot mualliflaridan biri Maykl Letkoning aytishicha, HKU5 viruslari ilgari ko'p o'rganilmagan. Laboratoriya sharoitida ular ko'rshapalaklar hujayralarini yuqtirish qobiliyatini allaqachon ko'rsatgan. Letkoning so'zlariga ko'ra, agar virus oqsilining tuzilishiga bitta o'zgartirish kiritilsa, u burun, tomoq va og'izda joylashgan odam ACE2 retseptorlari bilan bog'lana oladi.

Hozirgi ko'rinishida virus faqat ko'rshapalaklarni zararlaydi, ammo mutaxassislar Xitoyda yovvoyi hayvonlarning nazoratsiz savdosi kasallikning tarqalish xavfini oshirishidan qo'rqishadi. HKU5-CoV-2 shtammlari Xitoyning janubiy va sharqiy viloyatlarida to'plangan namunalarda allaqachon aniqlangan, deb xabar beradi rbc.ru.