Oʻzbekistonda havo biroz bulutli boʻladi, shimolda oʻzgarib turadi, yogʻingarchilik kutilmaydi, faqat Qoraqalpogʻistonda, Xorazm viloyatida baʼzi joylarda qisqa muddatli yomgʻir yogʻadi, momaqaldiroq boʻladi. Shamol sharqdan 7-12 m/s tezlikda esadi, shimolda, janubda va choʻl hududlarda 17-22 m/s gacha kuchayishi, ayrim joylarda chang-toʻzonlar boʻlishi mumkin. Harorat 38-43^o, janubda va choʻl hududlarda baʼzi joylarda 45^o gacha, shimolda 32-37^o boʻladi.

Toshkentda havo biroz bulutli boʻladi, yogʻingarchilik kutilmaydi. Shamol sharqdan 3-8 m/s tezlikda esadi. Harorat 41-43^o boʻladi.

Respublikaning togʻli hududlarida havo biroz bulutli boʻladi, yogʻingarchilik kutilmaydi. Shamol sharqdan 7-12 m/s tezlikda esadi, baʼzi joylarda 15-20 m/s gacha kuchayishi mumkin. Harorat 30-35^o boʻladi.

Muhim hodisalar: 25-28-iyul kunlari davrida togʻlarda kutilayotgan yuqori harorat foni hisobiga Qirgʻiziston hududidan Fargʻona viloyati togʻ oldi va togʻli hududlari boʻyicha: Soʻx, Fargʻona tumanlarida va Soʻx, Shohimardon, Isfayramsoy daryolarida glyatsial (muz) sel-suv toshqin hodisalari yuzaga kelishi mumkin.