Joriy yilning 27-oktyabr kuni Xovos tumanida yana bitta Raqamli texnologiyalar oʻquv markazi tashkil etildi. Markazning ochilish marosimida Axborot texnologiyalari va kommunikatsiyalarini rivojlantirish vazirining oʻrinbosari Qahramon Yuldashev ishtirok etdi.
Markaz zamonaviy kompyuter jihozlari va yuqori tezlikdagi internet tarmogʻi bilan taʼminlangan boʻlib, hudud yoshlariga raqamli texnologiyalar, dasturlash asoslari, robototexnika boʻyicha oʻquv kurslar tashkil etish va kibersportni yana-da ommalashtirish, bu sohada mutaxassislarni tayyorlash tizimini takomillashtirish uchun moʻljallangan.
Shuningdek, markazda ushbu hududdagi davlat va hoʻjalik boshqaruvi organlari hamda mahalliy davlat hokimiyati organlarining rahbar va xodimlarining axborot-kommunikatsiya texnologiyalari boʻyicha malakalarini oshirish maqsad qilingan.