Safar narxi 2500 soʻmdan boshlanadi. Masalan, aeroportdan “Buxoro arena”gacha yetib borish uchun taxminan 6 300 soʻm toʻlaysiz, Asia Bukhara mehmonxonasidan Mirzo Ulugʻbek bogʻigacha safaringiz esa taxminan 5 300 soʻmga tushadi. Bu shaharda eng yaxshi taklif.
“Yaqinda xizmatimizni Samarqandda, bugun esa — Buxoroda ishga tushirdik. Yandex Go bilan shaharda yurish ancha qulay: endi koʻchada mashina ushlash yoki qoʻngʻiroqlarga vaqt sarflash kerak emas. Buyurtma berishingiz bilan barcha kerakli maʼlumot ilovada koʻrinadi, masalan avtomobil rusumi va davlat raqami. Ilovada qoʻllab-quvvatlash xizmatiga tezkor aloqaga chiqish imkoniyati ham mavjud”, — deydi Markaziy Osiyo bozorlarini rivojlantirish boʻyicha Yandex Go ijrochi direktori Tamirlan Shapiyev.
Buxoroda safarning aniq narxi mashinaga buyurtma berish paytidayoq koʻrinadi — ilovada boradigan manzilingizni aniq kiritsangiz bas. Haydovchi yoʻnalishni yoʻl taʼmiri tufayli oʻzgartirishiga toʻgʻri kelsa ham narx oʻzgarishsiz qoladi. Safar uchun toʻlov naqd koʻrinishda amalga oshiriladi.
Yandex Go oʻz texnologiyalaridan foydalanadi: xaritalar, marshrutizatsiya, navigatsiya, buyurtmalarni taqsimlash aqlli tizimi. Aynan texnologiyalar safarlarni foydalanuvchilar uchun qulay qilgan holda haydovchilar yaxshi pul topishiga imkon beradi.
Yandex Go Oʻzbekistonda 2018-yil aprel oyida ishga tushirilgan. Buxorodan tashqari xizmat besh shaharda ishlaydi: Toshkent, Fargʻona, Margʻilon, Namangan, Andijon va Samarqand. Yandex Go oʻz haydovchilari va mashinalariga ega emas. Xizmat mahalliy tashuvchilar bilan hamkorlik qiladi. Bepul ilova i iOS va Android uchun oʻzbek, rus va boshqa koʻplab tillarda mavjud.