Guliston tuman hokimiyati matbuot xizmati rasmi
Bugungi kunda tumanda 21 ta Davlat maktabgacha taʼlim tashkilotlari, 5 ta Davlat xususiy sheriklik asosidagi nodavlat maktabgacha taʼlim tashkilotlari, 93 ta oilaviy Nodavlat maktabgacha taʼlim tashkilotlari faoliyat yuritib kelayotgan boʻlib, bogʻcha yoshidagi bolalarning maktabgacha taʼlimga qamrov darajasi 96,7% ni tashkil etadi.
“Obod qishloq” loyihasi doirasida Terakzor mahallasidagi 15-sonli davlat maktabgacha taʼlim tashkiloti qayta taʼmirlanib, bugun 180 oʻrinli yangi binosi bolajonlar uchun oʻz bagʻrini ochdi. Mazkur maktabgacha taʼlim muassasasining bunyod etilishida “Baraka Guliston” MCHJ tomonidan loyiha qiymati 2 milliard 93 million soʻmlik qurilish-taʼmirlash ishlari bajarilgan.
Hududda yashovchi oilalarning 180 nafarini oʻz bagʻriga olayotgan bogʻcha aqlni peshlaydigan, bilimni charxlaydigan zamonaviy taʼlim-tarbiya vositalari bilan jihozlangan. Bu yerda bolajonlarning ovqatlanishi, dam olishi, toʻgaraklarda shugʻullanishlari uchun barcha shart-sharoit yaratilgan. Sanitariya-gigiyena, tibbiyot, yosh guruhlar uchun xonalar, musiqa zali, alohida oshxona, umumiy ovqatlanish zali, yozgi ayvonchalar, oʻyinlar maydonchalari barpo etildi, deb xabar beradi Guliston tumani hokimligi axborot xizmati.