U 2 bosqichda o‘tkaziladi. Tanlovning 1-bosqichi 2024 yilning 5 yanvaridan 15 yanvariga qadar davom etadi. Unda filmning adabiy ssenariysi uchun sinopsislar tanlab olinadi. Sinopsisda quyidagi g‘oyalar yuqori badiiy saviyada aks ettirilishi lozim:
- Yurtimizda “Inson qadri uchun” tamoyili asosida amalga oshirilgan islohotlar;
- Yangi O‘zbekiston davrida amalga oshirilayotgan iqtisodiy, ijtimoiy va siyosiy islohotlar, maʼnaviy, maʼrifiy va madaniy sohalardagi ijobiy o‘zgarishlar;
- mahallaning jamiyatdagi o‘rni va rolini kuchaytirish, xalq bilan davlat o‘rtasidagi “ko‘prik” vazifasini bajaruvchi tuzilma sifatida tashkil qilish bo‘yicha amalga oshirilayotgan islohotlar;
- xalqimizning o‘ziga xos urf-odatlari, anʼanalari, qadriyatlari, ezgu fazilatlari, yoshlarni vatanparvarlik ruhida tarbiyalashga xizmat qiladigan ibratli hayotiy saboqlar;
- “oila – muqaddas”, “keksalarga hurmat”, vatanparvarlik, adolat, ezgulik kabi qadriyatlar.
Tanlovga taqdim etiladigan sinopsislar quyidagi talablarga muvofiq bo‘lishi lozim:
- filmning asosiy qahramonlari, ularning o‘ziga xos xarakteri, asosiy syujet liniyasi, voqealar, avj nuqtasi va yechimi aks etgan bo‘lishi;
- o‘zbek tilida, adabiy til va imlo qoidalariga rioya qilingan holda A4 formatda, 14 shriftda, 1,5 intervalda yozilgan bo‘lib, hajmi 3-5 sahifadan iborat bo‘lishi kerak.
Tanlovning 2-bosqichi 2024 yilning 16 yanvaridan 30 yanvariga qadar davom etadi. Unda 1-bosqichda tanlab olingan sinopsislar asosida kinoloyihalar tanlab olinadi. Kinoloyihada quyidagi maʼlumotlar aks etishi lozim:
- filmning ishchi nomi, formati va umumiy hajmi;
- janri, auditoriyasi;
- taxminiy xarajatlar smetasi;
- taqdimot (ijodiy guruh, aktyorlar, lokatsiyalar va boshqa maʼlumotlar).
Sinopsislar va kinoloyihalar belgilangan muddatlarda tanlov ishtirokchisining arizasi, ismi-sharifi va u haqida qisqacha maʼlumotni biriktirgan holda “Tanlov komissiyasiga” deb qayd etilgan konvertda Kinematografiya agentligiga taqdim etilishi lozim.
Tanlovga taqdim etilgan sinopsislar va kinoloyihalar taqriz qilinmaydi va mualliflarga qaytarilmaydi.