Bu haqda AOKAda Qurilish vazirligi mutasaddilari ishtirokida oʻtkazilayotgan matbuot anjumanida maʼlum qilindi:
«Shahar va qishloq joylarda koʻp qavatli uy-joylarni barpo etishga moʻljallangan massivlar va uylarning namunaviy loyihalari ishlab chiqildi. Qurilish vazirligi tomonidan, uy-joylar qurish davlat maqsadli dasturlari doirasidagi uy-joylar loyihalari, ularni dislokatsiyasi (joylashuvi), soni, ishlatiladigan qurilish materiallari, narx-navo shakllanishi, koʻp kvartirali uy-joylar qurilishi narxi va boshqa maʼlumotlarni oʻz ichiga olgan uy-joy.mc.uz veb-portali yaratildi.
Shuningdek, ipoteka kreditlarini berish va subsidiyalar ajratish tartibi, uy-joylar qurilishini amalga oshiruvchi tadbirkorlik subyektlari, ular tomonidan qurilayotgan koʻp kvartirali uy-joylar, ulardagi kvartiralar soni, maydoni, qiymati va joylashuvi, kredit olish mumkin boʻlgan tijorat banklari va ular tomonidan beriladigan kreditlar shartlari toʻgʻrisidagi maʼlumotlarni taqdim etuvchi ipoteka-bozori.uz Ipoteka veb-portali ishga tushirildi.
Bugungi kunda ikkala veb portallar integratsiya qilish yoʻli bilan bir-biriga bogʻlandi hamda fuqarolar uchun maʼlumotlar olinishi yana-da yengillashtirildi».
