Mazkur oʻquv markaz zamonaviy kompyuter jihozlari va yuqori tezlikdagi internet tarmogʻi bilan taʼminlangan boʻlib, hudud yoshlariga raqamli texnologiyalar, dasturlash asoslari, robototexnika boʻyicha oʻquv kurslar tashkil etish va kibersportni yana-da ommalashtirish, bu sohada mutaxassislarni tayyorlash tizimini takomillashtirish uchun moʻljallangan.
Shuningdek, oʻquv markazida mahalliy hokimlik, davlat va xoʻjalik boshqaruvi organlarining shahar boʻlinmalari xodimlarining axborot-kommunikatsiya texnologiyalari sohasida malakasini oshirish koʻzda tutilgan, deb xabar beradi Sirdaryo viloyat xalq taʼlimi boshqarmasi matbuot xizmati.
