Saatenberg Handels & Consulting GmbH kompaniyasining bosh direktori, janob Igor Bezridniy boshchiligidagi yuqori martabali delegatsiya Yangiyo‘l tumaniga tashrif buyurishi bilan, hudud uchun yangi investitsion osmonlarning eshigini keng ochmoqda.
Tuman hokimi O.Ataullayev janob Igor Bezridniy va uning hurmatli mehmonlarini samimiy qarshi olib, bu muhim hamkorlik tumanning iqtisodiy gullab-yashnashiga zamin yaratishiga qat’iy ishonch bildirdi.
Qizg‘in muloqot chog‘ida Saatenberg Handels & Consulting GmbH kompaniyasi Yangiyo‘l tumani zaminiga 3 million AQSH dollari miqdorida sarmoya kiritib, 50 nafar yangi ish o‘rinlarini yaratishdek xayrli tashabbusni e’lon qildi.
Janob, Igor Bezridniy Yangiyo‘l tumanining serhosil zamini va qishloq xo‘jaligidagi beqiyos imkoniyatlariga yuqori baho berib, bu yerda qishloq xo‘jaligiga oid loyihalarni muvaffaqiyat bilan amalga oshirish uchun barcha sharoit muhayyoligini ta’kidladi.
Uning so‘zlariga ko‘ra, rejalashtirilgan loyiha nafaqat yangi ish o‘rinlarini yaratadi, balki tumanning qishloq xo‘jaligi mahsulotlarini jahon bozoriga olib chiqishda ham katta burilish yasaydi.
Saatenberg Handels & Consulting GmbH kompaniyasining Yangiyo‘l uchun mo‘ljallangan investitsion rejalari quyidagi yorqin yo‘nalishlarni o‘z ichiga oladi:
• Zamonaviy qishloq xo‘jaligi mahsulotlarini saqlash gavharlari – muzlatgichlar. Bunday zamonaviy omborlar qishloq xo‘jaligi mahsulotlarining sifatini saqlab, yil davomida eksport qilish imkoniyatini yaratadi, dehqonlarning mehnatiga rohat bag‘ishlaydi.
• Qishloq xo‘jaligida mo’jiza yaratuvchi – inovatsion tomchilatib sug‘orish texnologiyalari: Zamonaviy sug‘orish usullari yerning unumdorligini oshirib, hosildorlikni bir necha barobar ko‘paytirishga xizmat qiladi.
• Qishloq xo‘jaligi mahsulotlarini qayta ishlashning yangi bosqichi: Mahsulotlarni qayta ishlash korxonalari qo‘shimcha qiymat yaratib, hudud iqtisodiyotiga yangi nafas olib kiradi.
Tuman hokimining investitsiyalar, sanoat va savdo masalalari bo‘yicha o‘rinbosari I.Jo‘rayev ushbu tashabbusning naqadar muhim ekanini ta’kidlab,
"Bu kabi to‘g‘ridan-to‘g‘ri xorijiy investitsiyalar Yangiyo‘l tumanining iqtisodiy qudratini yanada mustahkamlab, aholining farovonligini oshirishga xizmat qiladi", - deya o‘z fikrini bildirdi.
Tuman hokimi O.Ataullayev o‘z so‘zida,
“Mazkur hamkorlik Yangiyo‘l tumanining qishloq xo‘jaligi yo‘lida qo‘yilgan zalvorli qadam bo‘lib, hududimizning iqtisodiy va ijtimoiy yuksalishiga yangi imkoniyatlar eshigini ochadi”, - deya ta’kidlab, bu hamkorlikning kelajakdagi muvaffaqiyatlariga ishonch bildirdi.
