Tokio universiteti olimlari maneken boshlari bir-biriga qaratgan holda xavfsiz kamerani qurishdi. Nebulayzer bilan jihozlangan bitta bosh yoʻtalni simulyatsiya qilib berdi va haqiqiy koronavirus zarralarini chiqardi. Ikkinchisi havo yoʻli orqali kirib boradigan viruslarni yigʻish kamerasi bilan tabiiy nafas olishni taqlid qildi.
Paxta niqobi taqilgan maneken bosh niqobsiz holatga qaraganda virus yuqish xavfini 40% gacha kamaytiradi. Tibbiy mutaxassislar tomonidan ishlatiladigan N95 niqobi 90% gacha toʻsib qoʻygan. Biroq, hatto N95 taqilganda ham, baʼzi virus zarralari yashirincha yuzga oʻtgan.
Yoʻtalayotgan boshga niqob kiydirilganda paxta va tibbiy niqoblari virus yuqishining 50% dan ortigʻini toʻsib qoʻydi.
«Virus qabul qiluvchisi ham, virus tarqatuvchisi ham niqob taqqanda sinergetik taʼsir koʻrsatildi», deb yozgan tadqiqotchilar chorshanba kuni chop etilgan tadqiqotda.
Tibbiyot mutaxassislari oʻrtasida COVID-19 virusi havo orqali tarqalishi mumkinligi toʻgʻrisidagi fikrlar tobora koʻproq yangramoqda. AQSH Kasalliklarni nazorat qilish va oldini olish markazi (CDC) qoʻzgʻatuvchining havoda bir necha soat turishi mumkinligi uchun ushbu oyda koʻrsatmalarini qayta koʻrib chiqdi.
Yaponiyalik tadqiqotchilarning alohida guruhi superkompyuter simulyatsiyalaridan foydalanib namlik virus zarralarining havoga tarqalishiga sezilarli taʼsir koʻrsatishi mumkinligini koʻrsatdi.
