Qayd etilishicha, 18 metrli qattiq yonilg'i bilan ishlaydigan Kairos №2 raketasi Vakayama prefekturasida joylashgan mamlakatdagi yagona tijorat kosmodromidan uchirilgandi.

Birinchi qism va foydali yuk ikkinchi qismdan ajralib chiqishga muvaffaq bo'ldi, ammo Space One Co. parvozni taxminan 20 daqiqadan so'ng to'xtatishga qaror qildi.

Mahalliy qirg'oq qo'riqlash xizmati ma'lumotlariga ko'ra, raketa qoldiqlari dengizga qulab tushishi oqibatida jabrlanganlar haqida xabar kelib tushmadi.

Xabar berilishicha, Tokio firmasining mart oyida uchirish bo'yicha birinchi urinishi paytida raketa ko'tarilganidan ko'p o'tmay o'z-o'zini yo'q qilishga buyruq olgach, portlagan. O'shanda raketa kuch tuzilmasining noto'g'ri hisob-kitobi tufayli nosozlik yuz bergandi.

Kompaniya orbitaga sun'iy yo'ldoshlarni olib chiqqan mamlakatdagi birinchi xususiy firma bo'lishga umid qilmoqda. Shuningdek, Space One 2030-yillarga qadar har yili koinotga 30 ta raketa uchirishni rejalashtirmoqda.

Startap raketa uchirilishi xarajatlarni kamaytirish va muntazam uchirilishini taklif qilish orqali koinotga etkazib berish xizmatlarini tijoratlashtirishga intilayotgan Canon Electronics Inc., IHI Aerospace Co. va boshqa tashkilotlar tomonidan 2018-yilda tashkil etilgan.

Mart oyida Yaponiyada harbiy sun'iy yo'ldoshni olib ketayotgan raketa portlagan edi. Halokat Space One kompaniyasi tomonidan ishlab chiqilgan KAIROS-1 xususiy raketasi bilan yuz bergan edi, deb xabar beradi korrespondent.net.