Jumladan, mazkur buyruqning ijrosini taʼminlash maqsadida Sirdaryo viloyati Jismoniy tarbiya va sport boshqarmasi tomonidan “yashil” hududda joylashgan Yangiyer shahar bolalar-oʻsmirlar sport maktabi hamda viloyat futbol mahorat maktabi sport inshootlarida “Yoshlar kubogi” musobaqalari tashkil etildi.

Mazkur sport tadbiri karantin qoidalariga asosan ochiq sport maydonlarida ijtimoiy masofani saqlagan holda tashrif buyuruvchilarning sonini cheklash shartlari asosida oʻtkazildi. “Yoshlar kubogi” musobaqalariga 100 nafardan ortiq yoshlar qamrab olindi. Musobaqalar yakunida gʻolib va sovrindorlar tashkilotchilar tomonidan esdalik sovgʻalari bilan taqdirlandi.

Jismoniy tarbiya va sport vazirligi
Matbuot xizmati