Oʻzbekiston Respublikasi Prezidentining “Zargarlik buyumlarini ishlab chiqarish sohasini qoʻllab-quvvatlash boʻyicha qoʻshimcha chora tadbirlar toʻgʻrisida”gi qaroriga koʻra, 2026-yil 1-yanvardan quyidagilar bekor qilinadi:
- qimmatbaho metallar va qimmatbaho toshlardan ishlab chiqarilgan zargarlik buyumlari va yarim tayyor mahsulotlarni realizatsiya qilish boʻyicha aylanmani QQSdan ozod qilishga oid imtiyoz;
- oltindan yasalgan zargarlik buyumlarini chakana savdoda sotganlik uchun yigʻim.
2028-yil 1-yanvargacha zargarlik buyumlarini ishlab chiqarish yoki ularni sotish faoliyati bilan shugʻullanuvchi tadbirkorlarga QQSning 80 foizi har oyning 25-sanasigacha avtomatik ravishda respublika byudjetidan qaytariladi.
2025-yil 1-sentyabrdan:
- YATTlarga zargarlik buyumlarini sotish faoliyati bilan shugʻullanishga ruxsat etiladi;
- Davlat asillik darajasi nazorati inspeksiyasi tomonidan Toshkent va Nukus shaharlari hamda viloyatlar markazlarida zargarlik buyumlarining asillik darajasini tekshirish va ularni tamgʻalash boʻyicha sayyor xizmat koʻrsatish yoʻlga qoʻyiladi;
- qimmatbaho metallar va qimmatbaho toshlar toʻgʻrisidagi huquqbuzarliklar toʻgʻrisida “Soliq” mobil ilovasi orqali xabar bergan shaxslarga undirilgan jarima miqdorining 50 foizi miqdorida mukofot toʻlanadi.
