Qayd etilishicha, Bangkokdagi “International Ice Hockey Arena” majmuasida III divizionning "B" guruhida kurash olib borayotgan yoshlarimiz Turkmaniston terma jamoasini 8:2 hisobida magʻlub etdi.
Terma jamoamizga gʻalaba keltirgan oʻyinda turkmanistonliklar darvozasiga yoʻllangan shaybalarga Rustamxonov(3), Kamolov, Popov, Ravshanov, Dadaxoʻjayev, Azimov mualliflik qildi.
Ortda qolgan 3 ta uchrashuvda muvaffaqiyatga erishgan yosh xokkeychilarimiz “B” guruhda 9 ochko bilan yetakchilik qilmoqda. Hamyurtimiz Jasurbek Rustamxonov shaybalar uzatmasi va urilgan gollar (9+7) hisobiga koʻra, chempionatning toʻpurari boʻlib turibdi.
4-mart kuni Oʻzbekiston U-18 termasi navbatdagi oʻyinda Bosniya va Gersegovina jamoasi bilan roʻbaroʻ keladi.
Eslatib oʻtamiz, jahon chempionati bahslari 6-martga qadar davom etadi.
