Darslarda ishtirok etgan yoshlar va ko'plab qiziquvchan yurtdoshlarimiz muzey tomonidan tashkil etilgan mahorat darslarida nafaqat loyni jonlantirish, kulolchilik asarlari yaralishiga guvoh bo'ldilar, balki unutilmas taassurotlar oldilar.
– Kulolchilikka qiziqadigan yoshlarimiz bunchalik ko'p deya o'ylamagan edim, – deydi usta kulol. – Ularning ko'zlaridagi hayrat va kulol dastgohiga yaqinlashganidagi hayajonni ko'rib jdo'ua xursand bo'ldim. Qo'limdan kelganicha kulolchilikning sir-asrorlaridan bahramand qilishga harakat qildim.
Eslatib o'tamiz, Muzeylar haftaligi doirasida yog'och o'ymakorligi bo'yicha mahorat darslari 6 sentyabr kuni soat 21.00 ga qadar o'tkaziladi.