Toshkent shahar Olmazor tumanidagi “Hofiz Ko'hakiy” MFY bilan bu borada hamkorlik ishlari yo'lga qo'yilgan. Hozirgi kunga qadar mahallada sport, axborot texnologiyalari, xorijiy tillarni o'qitish bo'yicha tashkil etilgan to'garaklarga jami 42 nafar yoshlar qamrab olindi.
Shuningdek, mahallada yoshlarning bo'sh vaqtini mazmunli tashkil etish, ularni kitobxonlikka, sport o'yinlariga oshno etish borasida bir qator ishlar olib borilmoqda. Taniqli shoir va yozuvchilarning ijodiy kechalari, el suygan aktyor va aktrisalar bilan uchrashuvlar yoshlarning intellektual va ijodiy salohiyatini mustahkamlashga xizmat qilmoqda.
Xuddi shunday tadbirlar tumanning “Abu Bakr Shoshiy” mahallasida ham tashkil etilmoqda. Yosh avlodni madaniyat, san'at, jismoniy tarbiya va sportga jalb etish, ularda axborot texnologiyalaridan to'g'ri foydalanish ko'nikmasini shakllantirish, yoshlar o'rtasida kitobxonlikni targ'ib qilish, xotin-qizlar bandligini ta'minlashga katta e'tibor qaratilmoqda.
