BMTning Bolalar jamg'armasi (UNISEF) Sudandagi mojaro tomonlarini fevral oyi boshidan beri kamida 40 nafar bolaning o'limiga sabab bo'lgan qurolli qarama-qarshilikni to'xtatishga chaqirdi. Uning saytida e'lon qilingan bayonotda qayd etilganidek, tomonlar xalqaro gumanitar me'yorlarga rioya qilishlari, yosh sudanliklarning huquqlarini hurmat qilish va himoya qilishni ta'minlashlari kerak.
UNICEF 3-fevral kuni Janubiy Kordofan shtatining Kadugli shahrining o'qqa tutilishi oqibatida “21 nafar bola halok bo'lgani, 29 nafar bola mayib bo'lgan”ini eslatdi. Bundan tashqari, fevral oyida “Darfur shtatidagi El-Fashir bozorining o'qqa tutilishi oqibatida kamida 11 bola halok bo'lgan, Xartum shtatidagi Sabrin bozorining o'qqa tutilishi oqibatida yana 8 bola halok bo'lgan va 6 nafari yaralangan”, deb xabar beradi tass.ru.
2024-yilning iyunidan dekabrigacha mojaro yangi hududlarga tarqalib borar ekan, Sudanda bolalarning huqlari buzilishi bilan bog'liq 900 dan ortiq og'ir qoidabuzarliklar qayd etildi – bu kuniga o'rtacha 4 tadan ko'proq – ularning 80 foizi Darfur, Xartum va El-Gezirada ularning o'ldirilgani va mayib bo'lgani haqida xabarlardan iborat. “Zo'ravonlik zudlik bilan to'xtatilishi kerak”, deb ta'kidladi UNICEF.
