Ushbu jahon chempionatining yunon-rum kurashi bahslarida terma jamoamiz aʼzosi Alisher Gʻaniyev Oʻzbekiston yunon-rum kurashi tarixida ilk bor ushbu yosh toifasida jahon chempionligiga erishdi.

Bugun va erta jahon chempionatida ayollar kurashi musobaqalari oʻtkazilsa, 26-oktyabr kuni erkin kurash bellashuvlariga start beriladi. Aynan shu kuni hamyurtimiz Umidjon Jalolov -65 kilo ogʻirlikda jahon chempionati bahslariga kirishadi.

– Oʻtgan yili 20 yoshgacha boʻlgan kurashchilar oʻrtasidagi jahon chempionatida bronza medalini qoʻlga kiritgandim. Shundan beri chempionlik yoʻlida qattiq mehnat qildim. Bu yilgi Osiyo chempionatida sovrinli oʻrinlarga koʻtarila olmagan boʻlsam-da, asosiy eʼtiborimni jahon chempionatiga qaratgandim. Shukur, maqsadimga erishdim. Oʻylaymanki, bu yanada yuqori natijalarga erishishda katta ruhiy quvvat boʻladi, – deydi Alisher Gʻaniyev.

Jahon chempionati 27-oktyabrga qadar davom etadi.