“Zilzila tufayli binolarda vayronagarchiliklar kuzatilmoqda. Zarar asosan pardozlash materiallari elementlari, masalan, osma shiftlar, gips, plitkalar va fasad bezaklariga taalluqlidir”, deya ta'kidladi Olmaota urbanistika va shaharsozlik boshqarmasi.
Ushbu shikastlanishlar yuk ko'taruvchi tuzilmalarning buzilganligini anglatmasligi xabar qilindi.
Dushanba kuni ertalab 6,1 magnitudali zilzila sodir bo'ldi, uning o'chog'i Olmaotadan 31 kilometr janubda joylashgan. Shaharning o'zida zilzila kuchi 5 ballga yetdi, deb xabar berdi Qozog'iston Favqulodda vaziyatlar vazirligi. Ikki soatdan keyin shaharda kuchsizroq zilzila qayd etildi. Qurbonlar va vayronalar yo'q, deb xabar beradi tass.ru.
