Жорий йил 18 октябрь куни ижтимоий тармоқларда Хоразм вилояти Хонқа туманидаги хусусий боғчаларнинг бирида болалар калтаклангани акс этган видео тарқалди. Ҳолат вилоят мактабгача ва мактаб таълими бошқармаси томонидан ўрганилди.
Бошқарма изоҳига кўра, воқеа Хоразм вилояти мактабгача ва мактаб таълими бошқармаси ишчи гуруҳи ҳамда тегишли ваколатли ташкилот ходимлари ҳамкорлигида ўрганилди.
"Ўрганиш давомида воқеа Хонқа туманидаги “Адолат Динора орзулари” нодавлат таълим муассасасида содир бўлгани аниқланди.
Тарбиячи Қ.З. тарбияланувчиларга қўпол муносабатда бўлгани ва ички меҳнат тартиб-қоидаларини қўпол равишда бузгани учун у билан тузилган меҳнат шартномаси бекор қилинди", дейилади хабарда.
Мактабгача ва мактаб таълими вазири Ҳилола Умарова Францияда бўлиб ўтган Халқаро Франкофония ташкилотининг 19-саммитида иштирок этди. Мазкур саммит доирасида вазир ва Кокоро Лингуа компанияси асосчиси Натали Ласслет ўртасида суҳбат ташкил этилди.
Ўзбекистон Республикаси Президентининг «Мактабгача таълим сифати ва самарадорлигини янада ошириш бўйича қўшимча чора-тадбирлар тўғрисида»ги фармони қабул қилинди.
Кейтеринг ташкилоти томонидан таклиф қилинаётган таомларнинг рецептура тўплами, таркибий қисми ҳамда энергетик қиймати СанҚ ва М 0016-21 талаблари асосида ишлаб чиқилмаган.
