Кездесу барысында су шаруашылығы
инфрақұрылымын жаңғырту, сорғы станцияларының энергия тиімділігін арттыру,
жоғары технологиялық жабдықтар өндірісін жергіліктендіру, сондай-ақ
инвестициялық ынтымақтастықты кеңейту мәселелері талқыланды.
Кездесуде Өзбекстанда Президенттің
бастамасымен су шаруашылығы саласында жүзеге асырылып жатқан реформалар,
сондай-ақ елдің Тұрақты даму мақсаттарының 6-мақсаты – «Таза су және
санитария» бағыты бойынша қол жеткізген нәтижелері туралы ақпарат
берілді. Айтылғандай, бұл тәжірибе Нью-Йорк қаласында өтіп жатқан Тұрақты даму
жөніндегі жоғары деңгейдегі саяси форум (HLPF) аясында халықаралық
қауымдастыққа таныстырылып жатыр.
Тараптар жалпы құны 267 миллион АҚШ
долларын құрайтын «Пскент Технопарк» инвестициялық
жобасын іске асыру ьолашақтарын талқылады.
Жоба аясында сорғылар, турбиналар,
генераторлар, жоғары кернеулі электр дивигателдер
және басқа да заманауи электротехникалық жабдықтардың өндірісін
жергіліктендіру, технологиялар трансферін жүзеге асыру және заманауи
өнеркәсіптік қуаттарды құру жоспарланған.
Сонымен қатар сервистік қызметтерді дамыту,
инженерлік кадрларды даярлау және жергілікті мамандардың біліктілігін арттыру
мәселелері де қаралды.
Компания өкілдері АҚШ-та және басқа елдерде
жүзеге асырылған ірі өнеркәсіптік жобалардың тәжірибесін таныстырып, заманауи
инженерлік шешімдер мен инновациялық технологиялар жөнінде мәлімет берді.
Кездесу қорытындысында Шавкат Хамраев компания басшылығын биыл күзде Самарқант қаласында өтетін Суды үнемдеу жөніндегі дүниежүзілік форумға және Water Tech Expo 2026 халықаралық көрмесіне қатысуға шақырды.
Тараптар инвестициялық ынтымақтастықты
кеңейтуге, жоғары технологиялық өндірісті жергіліктендіруге, технологиялар
трансферін дамытуға және су шаруашылығы саласын жаңғырту бағытындағы
ынтымақтастықты жалғастыруға дайын екендіктерін білдірді.
